SERIKALI KUPIGA MNADA NG’OMBE 10,000

Na Katuma Masamba, Dodoma

Waziri wa Mifugo na Uvuvi, Luhaga Mpina ametanga kupiga mnada ng’ombe zaidi ya 10,000 wa kutoka nchi za Rwanda na Uganda ambao wamekamatwa katika operesheni ya siku saba inayoendelea nchini.

Mpina aliyasema hayo wakati akijivu hoja zilzoibuliwa na wabunge ambapo amesema ng’ombe hao watapgwa mnada kama ilivyokuwa kwa ng’ombe 1,325 wa kutoka nchin Kenya ambao walikamtwa baada ya kungia nchini.

Akichangia Mpango wa Maendeleo ya Tafa wa mwaka 2017/2018, Waziri Mpina amesema, wapo watu wanaosema kuwa  hatua hiyo inaweza kuvuruga mahusiano ya nchi za Afrika Masharki ambapo amesisitiza kuwa uhusiano wa nchi za Jumuiya ya Afrika Mashariki (EAC) uko imara na hauwezi kuvurugwa na uhalifu.

“Hakuna ushirika wa uhalifu, watu wanaoingza mifugo kutoka nje ya nchi ni wahalifu kwasababu wamevunja sheria…mhalifu akija hapa hawezi kutetewa kwasababu ya ushirika, ushirika wetu sio wa uhalifu, mashirikiano yetu ni mazuri kwasababu yapo ksheria,” amesema.

Monday, November 13, 2017  Copyright: Dailynews Blog      Maoni: 0

ELIZABETH MICHAEL AU LULU NINANI?

MUIGIZAJI na Muongozaji Filamu, Elizabeth Michael (Lulu) ,22, leo amehukumuiwa kifungo cha Miaka Miwili gerezani  baada ya Mahaka Kuu Tanzania, kumtia hatiani kwa kosa la kumuua Bila kukusudia. Anaandika Mroki Mroki wa Daily News Digital. 

Mahakama Kuu ya Tanzania kanda ya Dar es Salaam, imemuhukumu msanii maarufu wa filamu nchini, Elizabeth Michael Kimemeta kutumikia kifungo cha miaka miwili gerezani baada ya kupatikana na hatia ya mauaji ya bila kukusudia ya msanii mwenzake marehemu Steven Kanumba.

Hukumu hiyo imesomwa na Jaji Sam Rumanyika ambaye amesema, ameridhika na ushahidi wa mashahidi wanne wa upande wa mashitaka na wazee wa baraza waliotoa maoni yao kuwa kweli mshtakiwa Lulu aliuwa bila ya kukusudia.

Alisema  Aprili 12, 2012 ndio ilikuwa mara ya kwanza kwa Lulu kufikishwa Mahakamani ambapo alifikishwa katika mahakama ya mkoa wa Dar es Salaam, ambayo ni Mahakama ya Hakimu Mkazi Kisutu kwa ajili ya kujibu tuhuma za mauaji ya marehemu Kanumba.

Lakini baadae baada ya kusota rumande kwa takribani miezi kumi, Lulu alibadilishiwa mashitaka na kushitakiwa kwa mauaji ya bila kukusudia, shtaka lililomuwezesha kuwa nje kwa dhamana hadi leo.

Tukio hilo lilitokea mnamo Aprili 6, 2012 huko Sinza Vatcan jijini Dar es Salaam wakati ikielezwa kuwa wasanii hao wawili wakiwa ni marafiki wakaribu.

LAKINI ELIZABETH AU LULU NINANI?

BOFYA HAPA KUSOMA ZAIDI.

Monday, November 13, 2017  Copyright: Dailynews Blog      Maoni: 0

SERIKALI KUENDELEA KUIMARISHA SHERIA ZA KAZI ILI KULINDA WAFANYAKAZI WA MAJUMBANI

SERIKALI imesema itaendelea kuimarisha utekelezaji wa sheria za kazi ili kulinda haki za wafanyakazi wa majumbani pamoja na kujenga uelewa wa wadau kuhusu matakwa ya mkataba na haki za kisheria.

Kauli ya Naibu Waziri wa Nchi, Ofisi ya Waziri Mkuu, Kazi, Ajira na Vijana, Anthony Mavunde ameyasema hayo wakati akijibu swali la Mbunge wa Viti Maalum, Ritta Kabati aliyeuliza kikwazo kinachokwamisha kuridhia mkataba wa Shirika la Kazi Duniani(ILO)namba 189 na kazi za staha kwa wafanyakazi wa majumbani wakati LESCO imeshapendekeza kuridhia. 

Amesema Tanzania kama nchi mwanachama wa ILO ilishiriki kikamlifu katika majadiliano na upitishwaji wa mkataba wa kimataifa wa LO wa wafanyakazi wa majumbani namba 189 wa mwaka 2011 ambao unalenga kukuza kazi za staha kwa wafanyakazi wa majumbani .

“Serikali inathamini mchango wa wafanyakazi wa majumbani katika kujenga uchumi wan chi. Hii ndiyo maana Bunge lako tukufu lilitunga sheria ya Ajira na Mahusiano kazini namba sita ya mwaka 2004 ambayo inazitambua haki za wafanyakazi wa majumbani kama livyo kwa wafanyakazi wengine,” amesema.

Monday, November 13, 2017  Copyright: Dailynews Blog      Maoni: 0

SHIRIKA LA HIFADHI ZA TAIFA (TANAPA) SASA LAFIKILIA KUJA NA UTALII KWA BODA BODA NA BAJAJI

Mpanda milima mashuhuri Duniani kwa kutumia Baiskeli  ,Juanito Oiarzabal akiwa katika kilele cha Uhuru mara baada ya kufanikiwa kufika huku akiendesha baiskeli . 

Mpanda milima mashuhuri Duniani kwa kutumia Baiskeli  ,Juanito Oiarzabal (katikati) akiwa na wenzake wawili ,Eduardo Pascuaz(kushoto)  na Ramon Abecia (Kulia) katika kilele cha Uhuru walipoanda kwa kutumia baiskeli .

Meneja Mawasiliano wa Shirika la Hifadi za Taifa ,(TANAPA) Pascal Shelutete akizungumza mara baada ya wageni hao kushuka baada ya kufanikiwa kufika kilele cha uHuru kwa kutumia Baiskeli. BOFYA HAPA KUSOMA ZAIDI.

Friday, November 10, 2017  Copyright: Dailynews Blog      Maoni: 0

HATUJASHINDWA KUCHUNGUZA MATUKIO YA KIHALIFU-MAJALIWA

Waziri Mkuu, Kassim Majaliwa akimsikiliza Kiongozi wa kambi ya upinzani Bungeni Freeman Mbowe, wakati akiuliza swali la papo kwa papo, bungeni mjini Dodoma, Novemba 9, 2017. 

 Waziri Mkuu, Kassim Majaliwa akijibu swali la papo kwa papo, leo bungeni mjini Dodoma, Novemba 9, 2017.

Waziri Mkuu, Kassim Majaliwa akizungumza na Kiongozi wa kambi ya upinzani Bungeni, Freeman Mbowe, kabla ya kuanza kikao cha Bunge mjini Dodoma, Novemba 9, 2017. 

**************

WAZIRI MKUU Kassim Majaliwa amesisitiza kwamba vyombo vya dola vya ndani ya nchi havijashindwa kuchunguza matukio ya kihalifu yaliyotokea nchini, hivyo amewaomba wananchi waendelee kuwa na subira.

Amesema Serikali hairidhishwi na matukio mbalimbali ya kihalifu yaliyofanywa na watu wasiolitakia mema Taifa, ambayo yaliyotokea katika maeneo mbalimbali nchini na baadhi yake yamesababisha vifo na wengine kujeruhiwa.

Waziri Mkuu ametoa kauli hiyo leo (Alhamisi, Novemba 9, 2017) wakati akijibu swali la Kiongozi wa Upinzani Bungeni, Bw. Freeman Mbowe katika kipindi cha maswali ya papo kwa papo kwa Waziri Mkuu, Bungeni mjini Dodoma.

Bw. Mbowe alitaka apew kauli ya Serikali juu ya hatua zilizochukuliwa kuhusu tukio la kushambuliwa na mbunge wa Singida Mashariki Bw. Tundu Lissu, ambapo alishauri uchunguzi huo ufanywe na vyombo vya kimataifa, ambapo Waziri Mkuu amesema suala hilo linashughulikiwa na vyombo vya ndani vya dola.

“Vyombo vya ndani vya dola vina uwezo mkubwa wa kusimamia usalama wa nchi na vinaendelea na uchunguzi wa matukio hayo yaliyofanywa na watu wasiolitakia mema Taifa letu. Nawaomba wananchi waendelee kuwa na imani na vyombo vyetu vya dola na mara uchunguzi utakapokamilika taarifa itatolewa.”

Waziri Mkuu ametumia fursa hiyo kuwasihi wananchi waendelee kushirikiana na Serikali kwa kutoa taarifa mbalimbali juu ya vitendo vya kihalifu vinavyotokea kwenye maeneo yao kwa lengo la kudumisha amani na utulivu nchini.

Katika hatua nyingine, Waziri Mkuu amesema ahadi ya Rais Dkt. John Magufuli ya kuboresha maslahi ya watumishi wa umma imeanza kutekelezwa kwa kuwapandisha madaraja watumishi wanaostahili sambamba na kulipa malimbikizo yao mbalimbali.

Waziri Mkuu amesema baada ya kumaliza ulipaji wa malimbikizo ndipo Serikali itaendelea na hatua ya uboreshaji wa mishahara kwa watumishi wote wa umma, hivyo amewaomba waendelee kuwa na subira na imani na Serikali. Waziri Mkuu ameyasema hayo alipokuwa akijibu swali la Mbunge wa Kilindi, Bw. Omary Kigua aliyetaka kufahamu ni lini Serikali itapandisha mishahara ya watumishi wa umma.

Pia Waziri Mkuu amezungumzia changamoto ya masoko kwa mazao ya mbaazi na tumbaku ambayo yanashughulikiwa na Serikali na tayari baadhi ya nchi zimeanza kuonyesha nia ya kununua mazao hayo, hivyo amewaomba wananchi waendelee kuwa na uvumilivu.

Waziri Mkuu ameyasema hayo alipokuwa akijibu swali la mbunge wa Viti Maalumu Bibi Munde Tambwe aliyeiomba Serikali kumpatia ufafanuzi juu ya kukosekana kwa soko la tumbaku ambayo imelundikana katika maghala na Bibi Pauline Gekul Mbunge wa Babati aliyelalamikia kukosekana kwa soko la zao la mbaazi.

Akizungumzia kuhusu zao la tumbaku, Waziri Mkuu amesema changamoto hiyo imetokana na wakulima wa zao hilo kuongeza uzalishaji tofauti na makubaliano yaliyofikiwa awali na wanunuzi. “Nawaomba wakulima waendelee kuwa wavumilivu Serikali inafanya mazungumzo na nchi za lran, Korea Kusini, Misri na Indonesia ili waweze kununua tumbaku hiyo na kuwaondolea usumbufu wakulima.”

Thursday, November 09, 2017  Copyright: Dailynews Blog      Maoni: 0

FOUR-DAY TRAINING FOR SOUTH SUDAN MEDIA PROFESSIONALS BEGINS IN ARUSHA

 The Director of Infrastructure at the EAC Secretariat, Dr. Kamugisha Kazaura, officially opened the four-day Republic of South Sudan Media Training workshop at the EAC Headquarters in Arusha, Tanzania.

 A section of South Sudanese delegates during the opening session of the Republic of South Sudan Media Training workshop in Arusha.

 Participants at the four-day media training workshop in a group outside the EAC Headquarters in Arusha.

GIZ’s Head of German-EAC Cooperation, Mr. Bernd Multhaup (standing, third right), with South Sudanese delegates to the RSS Media Training workshop at the EAC Headquarters in Arusha.

*******************

A four-day training workshop on the East African Community integration process for Public Communications Officers and journalists from media houses in the Republic of South Sudan (RSS) kicked off at the EAC Headquarters in Arusha, Tanzania today.

The workshop is part of a comprehensive capacity building programme on the integration process to enhance the young nation’s integration into the Community. CLICK HERE TO READ THE FULL STORY.

Tuesday, November 07, 2017  Copyright: Dailynews Blog      Maoni: 0

RAIS MAGUFULI ATENGUA UTEUZI WA WAKURUGENZI WAWILI BUKOBA

Monday, November 06, 2017  Copyright: Dailynews Blog      Maoni: 0

AMINA MOLLEL: WAZAZI MSIWAFICHE WATOTO WENYE ULEMAVU NDANI

Mbunge wa viti maalumu CCM Amina Mollel akiwa anacheza ngoma ya kimasai pamoja na baadhi ya wamasai waliojitokeza katika sherehe za kupandisha ngazi ya rika kutoka katika rika la kurianga kuingia katika rika la Nyangulo.

Mbunge akiwa na wananchi waliouthuria katika sherehe hizo

Mbunge wa viti maalumu CCM Amina Mollel akiwa anasalimia na moja na mzee aliekuwa rrika la kurianga ambae kwa sasa ameingia katika rika la Nyangulo 

Wazazi hususa ni jamii ya kimasai wametakiwa kuachana na zana ya kuwatenga na kutowapeleka shule watoto wa kike na wale ambao ni walemavu badala yake wawapeleke mashuleni kwani wao ndio viongozi wa baadae

Hayo yamebainishwa na mbunge wa viti maalumu kupitia chama cha mapinduzi (CCM) Amina Mollel wakati alipokuwa akizungumza kama mgeni rasmi katika sherehe za kupandisha ngazi rika kutoka katika rika la kurianga kuingia katika rika la Nyangulo ,sherehe ambazo zilifanyika katika Kijiji cha Oldenderet Kata ya Nduruma mkoani Arusha

Alisema kuwa kunabaadhi ya wazazi wamekuwa wakiwaficha watoto wao kisa ni walemavu jambo ambalo linawakosesha haki zao ikiwemo ya kupata elimu kutokana na kufichwa huko

“kwakweli wazazi wanavyoficha watoto wao hususa ni walemavu wanawanyima haki yao mfano kama mimi ningefichwa leo kweli ndugu zangu ningeweza kuwa kiongozi hivyo napenda kuwasihi wazazi wasiwafiche watoto hawa kwani wakiwapeleka shule kupata elimu itakuwa vizuri kwani pale watakapo maliza shule wanakuja kuwasaidia “alisema Amina

Aidha pia aliwataka wazazi hawa wa jamii ya kimasai na hata wale wa makabila mengine kuacha kuwaozesha watoto wakike mapema kwani watoto hao wakike nao wanahaki ya kupata elimu kwani elimu ni bure ,kuanzia ngazi ya msingi hadi sekondari hivyo ni vyema kama wazazi wakawasimamia watoto hususa ni wakike wakaenda shule

Aliongeza kwa kuwasihihi watoto wa kike kuweka kipaumbele swala la elimu kwani elimu ndio kila kitu katika maisha yao na iwapo watasoma kwa bidii wanaweza kuwa viongozi wakubwa wa serikalini hapo baadae

Alisema kuwa kunabaadhi ya watoto wa kike wamekuwa wanaacha kusoma kisa wanakimbilia maisha kitu ambacho sio kizuri kwani wanaweza kukimbilia maisha yakawapiga hivyo ni muhimu sana kama watasoma kwanza alafu maisha watayapata baadae baada ya kumaliza kusoma na kupata kazi zao nzuri

“napenda kuwasihi ndugu zangu wamasai kuachana na mila za kizamani kama vile ukeketaji na kuozesha watoto wa kike mapema kwani swala hilo sio jema na limepitwa na wakati na napenda kuwataka wananchi wote hususa ni ndugu zangu wamasai kuwafichua wale wote ambao bado wanaendeleza mila za zamani kama vile ukeketaji”Alisisitiza Amina

Monday, November 06, 2017  Copyright: Dailynews Blog      Maoni: 0

UMOJA WA VIJANA WALIOSOMA NCHINI CHINA (CAAT) WAANZA KUTANGAZA UTALII WA NDANI KUSINI MWA TANZANIA KWA NJIA YA RELI YA TAZARA

Balozi wa China nchini Tanzania, Wang Ke akizungumza wakati wa hafla ya uzinduzi wa kampeni ya kutangaza utalii wa ndani kwa njia ya treni ya TAZARA hasa wa mikoa ya kusini mwa Tanzania ambao umekuwa ukisahaulika. Kampeni hiyo imeandaliwa na Umoja wa Vijana waliosoma nchini China (China Alumni Association of Tanzania -CAAT) kwa kushirikiana na Bodi ya Utalii Tanzania - (TTB) na TAZARA. Halfa hiyo ilifanyika ijumaa iliyopita TAZARA jijini Dar es Salaam. Pembeni yake ni Mwenyekiti wa Bodi ya Utalii Tanzania (TTB), Jaji mstaafu Thomas Mihayo (kulia) na Mwenyekiti wa China Alumni Association of Tanzania (CAAT), Dkt. Liggyla Vumilia (kushoto).

Baadhi ya wageni ambao ni wanaumoja wa CAAT wakifuatilia kwa makini.

Mwenyekiti wa Bodi ya Utalii Tanzania (TTB), Jaji mstaafu Thomas Mihayo ambaye alikuwa ni mgeni rasmi akitoa pongezi kwa umoja wa wanafunzi waliowahi kusoma nchini China (China Alumni Association of Tanzania - CAAT) kwa kuweza kuandaa kampeni ya kutangaza utalii wa ndani kwa njia ya treni ya TAZARA hasa katika mikoa ya kusini mwa Tanzania ambao umekuwa ukisahaulika. Kutoka kushoto ni Mwenyekiti wa China Alumni Association of Tanzania (CAAT), Dkt. Liggyla Vumilia (kushoto), Balozi wa China nchini Tanzania, Wang Ke na kulia ni Kaimu Mkurugenzi Mkuu wa TAZARA, Ronald Phiri. Hafla hiyo ilifanyika TAZARA jijini Dar es Salaam. Katika salamu zake Jaji Mihayo aliwataka watanzania kujitokeza kwa wingi kutembelea vivutio mbali mbali vya utalii ili waweze kujifunza mengi zaidi. Kaimu Mkurugenzi Mkuu wa TAZARA, Ronald Phiri akizungumza wakati wa hafla ya kuzindua kampeni ya kutangaza utalii wa ndani kwa njia ya treni ya TAZARA hasa katika mikoa ya kusini mwa Tanzania ambao umekuwa ukisahaulika. Kutoka kushoto ni Mwenyekiti wa China Alumni Association of Tanzania (CAAT), Dkt. Liggyla Vumilia (kushoto), Balozi wa China nchini Tanzania, Wang Ke na kulia ni Kaimu Mkurugenzi Mkuu wa TAZARA, Ronald Phiri. Hafla hiyo ilifanyika TAZARA jijini Dar es Salaam.

Mwenyekiti wa China Alumni Association of Tanzania (CAAT), Dkt. Liggyla Vumilia (kushoto) akitolea ufafanuzi wa masuala mbali mbali jinsi umoja wao ulivyo na lengo kuu la kuweza kutangaza utalii wa ndani kwa njia ya treni ya TAZARA hasa wa kusini mwa Tanzania ambao umekuwa ukisahaulika.  Halfa hiyo iliyofanyika ijumaa iliyopita TAZARA jijini Dar es Salaam.

Burudani ya ngoma ikiendelea. Balozi wa China nchini Tanzania, Wang Ke akiingia ukumbini. Vijana wakiwa katika picha ya pamoja.

Mwenyekiti wa Bodi ya Utalii Tanzania (TTB), Jaji mstaafu Thomas Mihayo (mwenye tai nyekundu) akiwa na Mwenyekiti wa China Alumni Association of Tanzania (CAAT), Dkt. Liggyla Vumilia (kushoto). Balozi wa China nchini Tanzania, Wang Ke na kulia ni Kaimu Mkurugenzi Mkuu wa TAZARA, Ronald Phiri wakiwa katika picha ya pamoja na wanaumoja wa CAAT. Hafla hiyo ilifanyika TAZARA jijini Dar es Salaam. Source: Kajunason

Monday, November 06, 2017  Copyright: Dailynews Blog      Maoni: 0

NAURI MPYA ZA MABASI YA MIKOANI HIZI HAPA

Friday, November 03, 2017  Copyright: Dailynews Blog      Maoni: 0

WAWILI WAFA AJALINI WAKIWAHI KESI MAHAKAMANI ARUSHA

Gari dogo aina ya Toyota Mark X T 796 DFG walilokuwa wakisafiria David Chijana (33) aliyekuwa akiendesha gari hilo na James Alfed (40) wakazi wa Dar es Salaam.

 Gari baada ya kupata ajali.

WATU wawili wamekufa papo hapo baada ya gari walilokuwa wakisafiria Toyota Mark X T  namba za usajili  T 796 DFG kupata ajali USA River jijini Arusha leo mchana. Anaandika Mroki Mroki.

Mashuhuda wa ajali hiyo wanasema kuwa chanzo cha ajali hiyo ni mwendo kasi wa dereva aliyekuwa akiendesha gari hiyo inayosemekana ilikuwa ikitokea dar es Salaam kwenda jijini Arusha.

Mmoja wa waliopoteza maisha ni David Chijana Karani wa Idara ya Ufundi wa Mamlaka ya Bandari Tanzania (TPA).

Aidha taarifa za awali zinasema kuwa marehemu Chijana aliondoka jijini Dar es Salaam jana jioni kwenda Arusha kuhudhuria kesi ya mirathi.

Chanzo kingione kinasema kuwa David alikuwa akiwahi Mahakama ya Hakimu Mkazi Arusha ambapo mama yake alikuwa mmoja wa watuhumiwa waliokuwa wakisomewa hukumu ya kesi ya Wizi Benki ya Exim ambapo hata hivyo alikuhukumiwa kwenda jela miaka mitano.

Kamanda wa Polisi Mkoa wa Arusha,  Charles Mkumbo amethibisha kutokea kwa vifo hivyo na kuwataja marehemu kuwa ni David Chijana (33) aliyekuwa akiendesha gari hilo na James Alfed (40) wote wakazi wa Dar es Salaam.

 Kamanda Mkumbo alisema chanzo cha gari hilo ni mwendo kasi ambapo kabla ya ajali iligongana na gari aina ya Noah kasha kuruka juu  na kusababisha vifo katika eneo la River Tree Kata ya Pori kwenye barabara ya Moshi /Arusha na ilitokea  saa 4:35 asubuhi.

Friday, November 03, 2017  Copyright: Dailynews Blog      Maoni: 0

RC MAKONDA AFANYA KIKAO NA TANESCO, AWAGIZA KUTATUA KERO ZA UMEME KWA WANANCHI

Mkuu wa Mkoa wa Dar es Salaam, Paul Makonda leo amefanya kikao na Mameneja wa TANESCO Kanda zote za Dar es Salaam kujadili mkakati wa kumaliza tatizo la kukatika kwa umeme na maboresho ya miundombinu ya Umeme.

Lengo la kikao hicho ni kujadili mahitaji ya Umeme kwa Mkoa, Kero ya kukatika umeme mara kwa mara (Mgao), Mpango Mkakati wa kukabiliana na Madhara yatokanayo na Mvua zinazoendelea kunyesha na Mpango mkakati wa kuhakikisha Taasisi zote za Umma ikiwemo Shule, Vituo vya Polisi na Vituo vya Afya vinakuwa na Umeme wa Uhakika.

Makonda amesema kuwa kukatika kwa umeme imekuwa kero kubwa kwa wananchi na wakati mwingine kusababisha hasara hivyo anaamini TANESCO ya sasa chini ya Serikali ya awamu ya Tano itamaliza kero hizo.

Katika kikao hicho TANESCO wamemuahidi Mkuu wa mkoa kuwa umeme utaongezeka kuanzia leo Maeneo yote yaliyokuwa yakisumbuliwa na upatikanaji wa Umeme hali itakuwa Shwari kuanzia leo.

Kuhusu suala la Umeme mashuleni wamekubaliana kuandaa mchanganuo wa mahitaji yanayohitajika kisha kufikisha ofisini kwake ili kila shule iunganishwe na huduma ya umeme.

Makonda amewataka kuwa na lugha nzuri kwa wateja na kufika kwa wakati pindi wanapopewa taarifa za hitilafu ya umeme.

Kwa upande wake Meneja mwandamizi TANESCO Dar es Salaam na Pwani Eng.Mahende Kugaya amemuahidi Mkuu wa mkoa kuwa watatekeleza yale yote waliyoagizwa kuanzia siku ya leo ikiwemo kutatua kero za Wananchi za mgao wa Umeme na kufikisha huduma ya umeme kwenye Taasisi zote za umma ikiwemo Vituo vya Polis, Vituo vya Afya na Shule. 

Aidha amemuhakikishia Mkuu wa Mkoa  kuwa eneo la Mbagala na Kigamboni kuanzia mwezi Disemba watapata umeme wa uhakika.

Thursday, November 02, 2017  Copyright: Dailynews Blog      Maoni: 0

RC MAKONDA AZINDUA RASMI UJENZI WA OFISI 402 ZA WALIMU DAR KWA KISHINDO

 Mkuu wa Mkoa wa Dar es Salaam, Paul Makonda akizindua rasmi ujenzi wa ofisi 402 za walimu moka wa Dar es Salaam.

 Makonda akishiriki Latina ujenzi.

Mkuu wa Mkoa wa Dar es Salaam, Paul Makonda leo amezindua zoezi la ujenzi wa Ofisi za kisasa 402 za Walimu Mkoa wa Dar es Salaam ambapo amesema ujenzi wa Ofisi hizo utaenda kwa kasi ya hali ya juu chini ya Vijana wenye morali ya kazi kutoka JKT, Magereza na Jeshi la Polisi.

Ofisi hizo za kisasa zitakuwa na Ofisi ya Mwalimu Mkuu, Mwalimu Mkuu Msaidizi, Ofisi ya Walimu wa kawaida, Mhasibu, Karani, Chumba cha kuhifadhi Mitihani, Vyoo vya kisasa, Stoo, Jiko, Chumba cha Mikutano na sehemu kuweka Mafaili ambapo ndani ya ofisi zitafungwa AC, Feni, Samani, Taa za kisasa na Umeme.

Akizungumza Katika uzinduzi huo ulioenda sambamba na upandaji wa Miti Makonda, amesema kuwa lengo la ujenzi huo ni kuwezesha Walimu kufanyakazi katika Mazingira mazuri yatakayowapa morali na hamasa ya kufundisha Wanafunzi.

Aidha Makonda amesema kama Walimu wakiboreshewa Mazingira ya kufanya kazi itasaidia kukuza ufaulu.

Amepongeza Walimu kwa kuwezesha Mkoa wa Dar es salaam kushika nafasi ya kwanza kitaifa katika mtihani wa Darasa la saba ikitokea nafasi ya nne mwaka jana na kuwahimiza kukamatia nafasi hiyohiyo.

"Rais Magufuli ameshatuonyesha dira kwa kutoa elimu bure na sisi wasaidizi wake ni lazima tuendeleze maono yake, mimi sio kiongozi wa kusubiri kuagizwa ndio nifanye kazi kama ilivyo kwa Remote hadi ibonyezwe ndio ifanye kazi, mimi ni kiongozi wa kujiongeza, sijachaguliwa kuwa mzigo kwa serikali bali kuleta matumaini kwa wananchi" Alisema Makonda.

Amewataka Viongozi kuacha Siasa kwenye mambo ya Msingi yanayolenga kuleta maendeleo kwakuwa Maendeleo hayana chama wala ubaguzi wa Dini.

Uzinduzi huo umehudhuriwa na Wakuu wa Wilaya, Kamanda wa Polisi kanda maalumu Dar es Salaam Lazaro Mambosasa, Kamati ya Ujenzi wa Ofisi za Walimu, Maafisa Elimu, Wakuu wa Shule ambapo Wote kwa pamoja wamepongeza hatua ya Makonda  kujenga ofisi za Walimu.

Thursday, November 02, 2017  Copyright: Dailynews Blog      Maoni: 0

MAVUNDE AWACHARUKIA WAAJIRI MKOANI KILIMANJARO JUU YA MIKATABA NA VIBALI VYA WAGENI KUFANYA KAZI NCHINI

Naibu Waziri wa Nchi Ofisi ya Waziri Mkuu(Kazi,Vijana na Ajira), Anthony Mavunde akizungumza na wafanyakazi wa Shule ya Kimataifa ya Moshi (ISM). 

Naibu Waziri wa Nchi Ofisi ya Waziri Mkuu(Kazi,Vijana na Ajira), Anthony Mavunde akizungumza na wafanyakazi waKiwanda cha China Paper Corporation

Naibu Waziri wa Nchi Ofisi ya Waziri Mkuu(Kazi,Vijana na Ajira), Anthony Mavunde leo amefanya ziara ya ukaguzi wa masuala ya kazi na kusikiliza kero na changamoto mbalimbali zinazowakabili wafanyakazi mkoani Kilimanjaro.

Mavunde alianza ziara hiyo katika shule ya Kimataifa ya Moshi (ISM) ambapo alisikiliza kero za wafanyakazi na kutoa maagizo kwa Menejimenti ya Uongozi wa Shule hiyo kutoa mikataba kwa wafanyakazi kwa mujibu wa kifungu cha 14 cha Sheria ya Ajira na Mahusiano kazini kinavyoelekeza ikiwa ni pamoja na kuagiza Taasisi za Serikali kuchunguza malalamiko juu ya unyanyasaji kwa wafanyakazi unaodaiwa kufanywa na baadhi ya viongozi wa menejimenti.

Mavunde pia alitembelea Kiwanda cha China Paper Corporation ambapo alisikiliza kero za wafanyakazi na kuiagiza Menejimenti ya Kiwanda hicho kuhakikisha sheria za Kazi zinafuatwa kwa kutoa Mikataba kwa wafanyakazi wote na kuhakikisha haki za wafanyakazi zinalindwa ikiwemo usalama wa mazingira ya kufanyia kazi.Pamoja na maagizo hayo kwa kiwanda,Naibu Waziri Mavunde aliwataka wafanyakazi nao kutimiza wajibu wao na kutumia njia sahihi za malalamiko yao bila kuvunja sheria za nchi.

Wakati huo huo,Naibu Waziri Mavunde amewaaguza Afisa Kazi Mfawidhi na Afisa wa Uhamiaji wa mkoa wa Kilimanjaro kuzishikilia hati za kusafiria za raia wa kichina 9 mpaka watakapowasilisha Vibali vya kufanya kazi nchini na Vibali vya makazi.

Wednesday, November 01, 2017  Copyright: Dailynews Blog      Maoni: 0

WANAWAKE KAKONKO WALIA WAUME ZAO KUKIMBILIA KAMBI ZA WAKIMBIZI KUOA NA KUISHI HUKO

WANAWAKE Wa  Kijiji cha Kaziramihunda na Juhudi kata ya Kasanda Wilayani Kakonko Mkoani Kigoma,Wamelalamikia kutelekezwa na Waume zao ambao wanatelekeza familia na kwenda kuoa wakimbizi kutoka Nchi ya Burundi na kuishi nao katika kambi ya Mtendeli Wilayani humo. 

Akizungumza  katika Mkutano wa kijiji uliofanyika katika Kijiji cha Juhudi kata ya kasanda Mwenyekiti wa Wanawake hao, Tabu Kiuliko alisema Wanaume wengi katika vijiji hivyo vilivyopo karibu na kambi ya wakimbizi wengi wao wamekuwa wakitelekeza familia zao na kwenda kambini kuoa Wakimbizi jambo ambalo limekuwa Kero kwa Wamama hao na kumuomba Mkuu wa Wilaya hiyo kuwasaidia kuwarejesha.

Alisema baadhi ya Wanawake wameachwa na Watoto  zaidi ya nane na Nyumba zao zimeezuliwa na Mvua ya upepo ilionyesha mwishoni mwa Wiki hii ,Wanashindwa wafanye nini waweze kuwalea watoto wao, mpaka sasa ambapo ni msimu wa Kilimo Wanaume hao bado wapo kambini wanaishi na wakimbizi wakikwepa majukumu yao. Anaandika Rhoda Ezekiel wa Father Kidevu Blog Kigoma. 

" Tukuombe Mkuu wa Wilaya utusaidie uende kambini uwafukuze hawa watanzania wote walioenda kuoa warundi tunaadhilika sana tumeachwa na watoto wetu hatujui tufanyaje, maisha magumu na Wanawake wengi hawana sehemu ya kwenda kulalamikia. Tukuombe utusaidie sana warudi tuweze kushirikiana nao katika shughuli za maendeleo na za kulee watoto wetu  hatuwezi peke yetu"alisema Mwenyekiti wa wamama hao.

Kwa upande wake Afisa mtendaji wa Kata ya Kasanda ,Motoni Borutu alisema suala la Wanaume wengi kukimbilia kambini hatulifurahii kabisa tumekuwa tukipokea malalamiko mengi kutoka kwa hawa Wanawake wa kijiji cha Kaziramihunda na juhudi kuwa waume zao wamekuwa  wakiingia kambini na kuoa warundi jambo ambalo halipendezi, na suala la kuoa mkimbizi linautaratibu wake.

Alisema mpaka sasa wiki mbili zilizopita kuna mwanaume mmoja aliuwawa na Wakimbizi  akiwa anatoka na Mwanamke wa Kirundi kambini hapo suala ambalo lina madhara makubwa kwani baadhi ya Wakimbizi wanachukia suala hilo na kuwafanyia unyamaa huo, na Uliwekwa utaratibu wa Wakimbizi kuingia kijijini na Wananchi kuingia kambini hairuhusiwi.

Aidha Mkuu wa Wilaya ya Kakonko Kanali Hosea Ndagala aliwataka Wananchi hao walioingia kambini kuishi na kuoa warudi na kutelekeza familia zao kuondoka mara moja kambini humo na wale waliowaoa warundi kuachana nao .Baada ya Wiki moja ataingia kambini kuwasaka Wananchi wote walioingia kambini na kutelekeza familia zao; na kuahidi kuwashughulikia hukohuko kwa kiwa hairuhusiwi Mwananchi yeyote asiye kuingia na kuishi kambini humo.

Mkuu huyo alieleza kuwa kuna utaratibu wa Watanzania kuoa au kuolewa na Wakimbizi hairuhusiwi mtanzania kuingia kambini, alisema na kwa Wakimbizi waliohusika na mauaji ya Mwananchi huyo watatafutwa wote wakamatwe hawaweze kuwapokea wakimbizi na kuwahifadhi halafu wao wawauwe Wananchi wetu jambo hilo halikubaliki kabisa.

"Niwaombe mrudi kwenye familia zenu kukimbia matatizo sio njia ya kupunguza matatizo bali kuongeza matatizo, mzirudie familia zenu. Na wakina mama ambao waumezenu wametolokea kwa Wakimbizi njooni ofisini au ninendeni Usawi wa Jamii kueleza matatizo yenu wasipo chukua hatua nitachukua hatua mimi. Kuanzia leo nakuagiza wewe mkuu wa kambi msaidizi anzeni msako wa Watanzania wote waliohamia kambini humo na  tutawashughulikia". Alisema. "Pia nina wasiwasi hawa ndio wanao iba mashambani. Nawasihi warudi kwenye familia zao kabla ya shari", alisema Kanali Ndagala.

Hata hivyo Afisa uhamiaji Wa Wilaya hiyo , Christopher Mlemeta alisema kuingia kambini na kuoa mkimbizi hairuhusiwi kisheria, utaratibu uliopo mwanamke akitaka kuolewa na mkimbizi ni lazima aende kuishi Burundi na mwanaume Akitaka kuoa mrundi ni lazima afuate utaratibu apatiwe vibali hii ikiwa ni pamoja na kuwatumikisha Warundi mashambani bila kibali ni kosa kisheria.

Wednesday, November 01, 2017  Copyright: Dailynews Blog      Maoni: 0