BAADA YA KIPINDUPINDU KUINGIA KIGAMBONI, MBUNGE DK FAUSTINE NDUNGULILE ATOA ELIMU KWA WANANCHI WAKE

TAARIFA

Kipindupindu kimeingia kwenye Wilaya ya Kigamboni. Napenda kuwakumbusha wananchi wa Kigamboni kuzingatia kanuni za afya ikiwa ni pamoja na:

1. Kutumia maji yaliyochemshwa

2. Kutumia maji ya visima vifupi kwa tahadhari

3. Kula vyakula vya moto na kuepuka vyakula vya mitaani

4. Kuchukua tahadhari katika kuhudumia mgonjwa anayeharisha

5. Kuepuka vyakula vilivyopoa kwenye mikusanyiko ya watu

6. Kutotupa taka ovyo.

Halmashauri ya Wilaya ya Kigamboni imeshachukua hatua zifuatazo:
1. Imeshaandaa wodi maalum kwa ajili ya kuwahudumia wagonjwa wa kipindupindu

2. Kuchukua sampuli toka baadhi ya vyanzo vya maji

3. Kutibu baadhi ya vyanzo kwa kutumia klorini

4. Kufukia baadhi ya visima vifupi ambavyo vimethibitika kutokuwa salama

5. Kusimamia kanuni za afya

6. Kutoa elimu kwa umma.

Natoa rai kwa wananchi wote wa Kigamboni kuchukua tahadhari ili tuweze kudhibiti ugonjwa huu.
Naomba tusambaze taarifa kwa wana Kigamboni wengine.

Asanteni

Dkt Faustine Ndugulile Mb
Mbunge-Kigamboni
23.02.2017

Thursday, February 23, 2017  Copyright: Dailynews Blog      Maoni: 0