Have you got a good story?

Share your story, discuss the issues with Dailynews Blog.

Have you got a good story?

Share your story, discuss the issues with Dailynews Blog.






Nafasi Ya Matangazo

Wednesday, 29 March 2017

YALIYOPEWA UZITO NDANI YA MAGAZETI YA SERIKALI HII LEO MACHI 29,2017


Tuesday, 28 March 2017

WAZIRI MHAGAMA AZINDUA MFUMO MPYA WA KIELEKTRONIKI WA KUFUATILIA UTEKELEZAJI WA AHADI, ILANI YA CHAMA TAWALA NA MAAGIZO YA VIONGOZI WAKUU


Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama akieleza umuhimu wa mfumo mpya wa Kielektroniki wa Kufuatilia Utekelezaji wa Ahadi, Ilani ya Chama Tawala na Maagizo ya Viongozi Wakuu wakati wa uzinduzi wa mfumo huo Machi 28, 2017 katika Ukumbi wa Ofisi ya Waziri Mkuu Bungeni Dodoma na kulia kwake waliokaa ni Naibu Waziri Ofisi ya Waziri Mkuu (Kazi, Ajira na Vijana), Mhe. Antony Mavunde.
Katibu Mkuu Ofisi ya Waziri Mkuu (Sera na Uratibu) Dkt. Hamisi Mwinyimvua akiwasilisha hotuba yake wakati wa uzinduzi wa mfumo wa Kielektroniki wa Kufuatilia Utekelezaji wa Ahadi, Ilani ya Chama Tawala na Maagizo ya Viongozi Wakuu Ukumbi wa Ofisi ya Waziri Mkuu Bungeni Dodoma.
Mkuu wa Kitengo cha Mawasiliano Ofisi ya Waziri Mkuu Bw. Agustino Tendwa akiratibu shughuli ya uzinduzi wa mfumo wa Kielektroniki wa Kufuatilia Utekelezaji wa Ahadi, Ilani ya Chama Tawala na Maagizo ya Viongozi Wakuu uliofanyika Ofisi ya Waziri Mkuu Bungeni Machi 28, 2017.
Mchumi Idara ya Uratibu wa Shughuli za Serikali Ofisi ya Waziri Mkuu Bw. Novatus Tesha akionesha namna mfumo wa Kielektroniki wa Ufatiliaji wa Taarifa za Serikali unavyofanya kazi kwa wajumbe wa mkutano huo (hawapo pichani) Dodoma.
Mchumi Idara ya Uratibu wa Shughuli za Serikali Ofisi ya Waziri Mkuu Bw. Novatus Tesha akionesha namna mfumo wa Kielektroniki wa Ufatiliaji wa Taarifa za Serikali unavyofanya kazi kwa wajumbe wa mkutano wa uzinduzi wa mfumo huo Machi 28, 2017 Dodoma. 
*****************
Na Mwandishi Wetu

Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama amezindua mfumo mpya wa Kielektroniki wa Kufuatilia Utekelezaji wa Ahadi, Ilani ya Chama Tawala na Maagizo ya Viongozi Wakuu ulianzishwa kwa lengo la kusaidia upatikanaji na utoaji wa taarifa za utekelezaji kupitia mfumo wa kisasa (kidigitali).


Akizindua mfumo huo wakati wa mkutano na waandishi wa habari Machi 28, 2017 Ukumbi wa Ofisi ya Waziri Mkuu Bungeni, Waziri alieleza umuhimu wa mfumo huo kuwa  umejikita katika kusaidia Viongozi Wakuu kupata Taarifa za utekelezaji wa Maagizo yao na yale yaliyoelekezwa katika Ilani ya Uchaguzi ya Chama Tawala.


“Mfumo huu utasaidia sana katika kufuatilia shughuli za Serikali ikiwa ni pamoja na ufuatiliaji wa maazigo yote na ahadi zilizotolewa ili kuona utekelezaji wake kwa urahisi tofauti na ilivyokuwa awali” Alisema Mhe.Waziri.


Aidha mfumo utasaidia pia Ofisi ya Waziri Mkuu kuongeza ufanisi wa uratibu na ufuatiliaji wa shughuli za kila siku za Serikali kwakuwa taarifa zote zitapatikana kwa wakati na takwimu za uhakika.


Alibainisha kuwa, kuanzishwa kwa mfumo ni moja ya sehemu ya kuondoa changamoto kadhaa ikiwa ni kuongeza ufanisi maeneo yetu ya kazi “kuanzishwa kwa mfumo huo kutatua changamoto za uchelewashwaji wa taarifa, na kutowajibika kwa ujumla na kuleta ufanisi kazini”.Alisisitiza waziri.


Aidha kwa upande wake Katibu Mkuu Ofisi ya Waziri Mkuu Dkt. Hamisi Mwinyimvua alibainisha kuwa mfumo umepitia hatua zote muhimu ikiwa ni pamoja na kuwashirikisha Mawaziri wote, Makatibu Wakuu wote, Wasaidizi wa Mhe.Rais Jonh Magufuli na Watendaji  wa Serikali.

Kwa kumalizia Waziri alipongeza Ofisi ya Waziri Mkuu kwa kushirikiana na Wakala wa Serikali Mtandao kwa kuona umuhimu wa kuwepo kwa mfumo huu na kutoa rai kwa Watendaji wote wa Serikali kuutendea haki kwa kufanya kazi bila uzembe wowote. “rai yangu kwa Watumishi wa Umma wote Nchini kuwajibika kwa kufanya kazi kwani kupitia Mfumo huu, mzembe atajulikana na mchapa kazi atajulikana. Na ikumbukwe tu, wazembe na wavivu hawana nafasi katika Serikali ya Awamu ya Tano”.


WAZIRI MPANGO AWASILISHA MAPENDEKEZO YA SERIKALI YA MPANGO WA MAENDELEO WA TAIFA NA YA KIWANGO NA UKOMO WA BAJETI YA SERIKALI KWA MWAKA WA FEDHA 2017/18


MAELEZO YA WAZIRI WA FEDHA NA MIPANGO DKT. PHILIP MPANGO AKIWASILISHA MAPENDEKEZO YA SERIKALI YA MPANGO WA MAENDELEO WA TAIFA NA YA KIWANGO NA UKOMO WA BAJETI YA SERIKALI KWA MWAKA WA FEDHA 2017/18


Waziri wa Fedha na Mipango, Dk Philip Mpango akiwasilisha Mapendekezo ya Serikali ya Mpango wa Maendeleo wa Taifa na ya kiwango na Ukomo wa Bajeti ya Serikali kwa mwaka wa fedha 2017/2018 mbeye ya Wabunge mjini Dodoma leo.
Waziri Mkuu, Kassim Majaliwa (katikati) akiongoza Kikao cha Wabunge wote mjini Dodoma ambacho kilipokea Mapendekezo ya Serikali ya Mpango wa Maendeleo wa Taifa na ya kiwango na Ukomo wa Bajeti ya Serikali kwa mwaka wa fedha 2017/2018 mbeye ya Wabunge mjini Dodoma leo.Kuhoto ni Spika wa Bunge, Job Ndugai na kulia ni Naibu Spika, Dk Tulia Ackson.
 Spika wa Bunge, Job Ndugai akitoa maelezo kabla Waziri wa Fedha na Mipango haja wasilisha Mapendekezo ya Serikali ya Mpango wa Maendeleo wa Taifa na ya kiwango na Ukomo wa Bajeti ya Serikali kwa mwaka wa fedha 2017/2018 mbeye ya Wabunge mjini Dodoma leo.Katikati ni Waziri Mkuu, Kassim Majaliwa aliyekuwa anaongoza na kushoto ni Naibu Spika wa Bunge, Dk Tulia Ackson.
 Wabunge wakisalimiana kabla ya kuanza kikao.
Wabunge wakisikiliza maelezo ya Waziri wa Fedha na Mipango, Dk Philip Mpango (hayupo pichani) wakati Mapendekezo ya Serikali ya Mpango wa Maendeleo wa Taifa na ya kiwango na Ukomo wa Bajeti ya Serikali kwa mwaka wa fedha 2017/2018 mbeye ya Wabunge mjini Dodoma leo. 
 *************
MAELEZO YA WAZIRI WA FEDHA NA MIPANGO, MHESHIMIWA DKT. PHILIP I. MPANGO (MB) AKIWASILISHA MAPENDEKEZO YA SERIKALI YA MPANGO

WA MAENDELEO WA TAIFA NA YA KIWANGO NA UKOMO WA BAJETI

YA SERIKALI KWA MWAKA WA FEDHA 2017/18


Monday, 27 March 2017

TOVUTI ZA SERIKALI ZA HALMASHAURI NA MIKOA YOTE NCHINI ZAZINDULIWA MJINI DODOMA LEO.


WAZIRI MWIGULU AHIMIZA UADILIFU POLISI.

Waziri wa Mambo ya Ndani ya Nchi, Mwigulu Nchemba (kulia) akitoa hotuba ufunguzi wa kikao kazi cha mwaka kinachowahusisha maafisa wakuu wa jeshi la Polisi na makamanda wa mikoa na vikosi kinachofanyika mkoani Dodoma.
Baadhi ya maofisa wakuu wa Jeshi la Polisi wakiimba wimbo wa maadili ya afisa wa polisi wakati wa hafla ya ufunguzi wa kikao kazi cha maafisa hao na makamanda wa mikoa na vikosi kinachofanyika mkoani Dodoma. Picha na Hassan Mndeme-Jeshi la Polisi.
Waziri wa Mambo ya Ndani ya Nchi, Mwigulu Nchemba (kulia) akiongea na Mkuu wa Jeshi la Polisi Nchini, IGP Ernest Mangu  wakati wa hafla ya ufunguzi wa kikao kazi cha maafisa wakuu wa jeshi la Polisi na makamanda wa mikoa na vikosi kinachofanyika mkoani Dodoma.
Na Frank Geofray-Jeshi la Polisi.
Waziri wa Mambo ya Ndani ya Nchi, Mhe. Mwigulu Nchemba amewataka maofisa na askari Polisi kote nchini kuendelea kufanya kazi kwa uadilifu ili kujenga taswira nzuri kwa wananchi wanaowahudumia jambo ambalo litaongeza imani na ushirikiano katika kukomesha vitendo vya uhalifu nchini.
 
Waziri Nchemba ameyasema hayo wakati alipokuwa akifungua kikao kazi cha Maofisa wakuu wa Jeshi la Polisi kutoka makao makuu, Makamanda wa Polisi wa Mikoa na vikosi kutoka bara na Zanzibar kinachoendelea mkoani Dodoma.
 
Alisema Pamoja na Jeshi hilo kufanya kazi nzuri bado linakabiliwa na changamoto ya baadhi ya askari na maofisa wasio waadilifu wanaofanya vitendo vya  kuwabambikia wananchi kesi na wakati mwingine kuwabadilishia kesi ili kujenga mazingira ya kupatiwa rushwa jambo ambalo ni kinyume na maadili ya askari Polisi.
 
“Fanyeni kazi kwa weledi hasa kwa kuwasimamia waliopo chini yenu kwa kuwa wapo baadhi yao bado hawataki kubadilika na katika awamu hii lengo letu ni kutoa haki kwa maskini hivyo ninyi kama wasimamizi wa sheria mnapaswa kutenda haki mnapofanya kazi zenu na wale wasiotaka kubadilika hamna budi kuchukua hatua ” Alisema Nchemba.
 
Aidha alilitaka Jeshi hilo kuwachukulia hatua bodaboda wanaofanya makosa na wale wasiokuwa na makosa waachwe waendelee na majukumu yao ya kujipatia kipato na kuachana na dhana ya kuwa kila bodaboda ni mhalifu.
 
Kwa upande wake Inspekta Jenerali wa Polisi, IGP Ernest Mangu alisema kikao hicho kinafanyika kwa siku tatu kwa lengo la kufanya tathmini ya utendaji kazi kwa mwaka uliopita na kuweka mikakati kwa mwaka huu ili kuendeleza juhudi za kukabiliana na vitendo vya uhalifu hapa nchini.
 
Mangu alisema Jeshi hilo litaendelea na Oparesheni zake za kupambana na uhalifu zikiwemo za dawa za kulevya, uhalifu wa kutumia silaha na wizi wa mtandao kwa mikakati mipya ambayo itaibuliwa katika kikao kazi hicho ili kuhakikisha hakuna mhalifu anayetamba hapa nchini.
 
Naye Mwenyekiti wa Kamati ya kudumu ya Bunge mambo ya nje na usalama Balozi Adadi Rajabu alisema kamati hiyo itaendelea kuishawishi Serikali kuboresha maslahi na vitendea kazi vya Jeshi la Polisi ili Jeshi hilo liweze kufanya kazi zake kwa ufanisi.
 
Ufunguzi wa Kikao kazi hicho ulihudhriwa pia na Waziri Mkuu mstaafu Samweli Malechela, Mkuu wa Mkoa wa Dodoma, Jordan Rugimbana pamoja na baadhi ya wabunge na Kamati ya ulinzi na usalama ya mkoa wa Dodoma.


POLISI WATEKELEZA AGIZO LA KUMWACHIA HURU NEY WA MITEGO

JESHI la Polisi Kanda Maalum ya Dar es Salaam wamemwachia huru Msaanii wa Bongo Fleva, Emmanuel Elibariki maarufu Ney wa Mitego.

Polisi wamemwachia huru msanii huyo jioni ya leo ikiwa ni muda mfupi baada ya Waziri wa Habari, Utamaduni Sanaa na Michezo, Dk Harison Mwakyembe kuliagiza jeshi hilo kumwachia huru msaani huyo huku akiiomba Baraza la Sanaa la Taifa lililokuwa limeagiza kushikiliwa kwake na kuzuia upigwaji wa Mziki wake mpya wa 'WAPO' pia iuruhusu wimbo huo kupigwa katika vituo vya redio na maeneo mengine.

Msanii Ney alikuwa akishikiliwa na Jeshi la Polisi baada ya kumkamata juzi mkoani Morogoro na kumsafirisha hadi jijini Dar es Salaam kufuatia amri ya Baraza la Sanaa la Taifa (BASATA) kwa kile kilichodaiwa ni wimbo huo kukosa maudhui na kukiuka sharia za Basata.

Waziri Mwakyembe alifuatilia sakata hilo la kukamatwa Ney na baadae Basata kufahamisha sababu za kumkamata na kutakiwa kuhojiwa juu ya nyimbo yake ya ‘Wapo’ lakini pia Rais alimuagiza kufuatilia suala hilo na kuona namna ya kulimaliza kwakuwa haoni kosa katika wimbo huo.

Aidha Mwakweye amesema Rais Magufuli aliomba Ney achiwe hivyo nayeye akiliagiza Jeshi la Polisi kumuachia huru msanii huyo.



MSIKIE HAPA WAZIRI MWAKYEMBE ALIPOELEZEA SAKATA LA NEY WA MITEGO NA KUAGIZA ACHIWE HURU WIMBO WAKE UPIGWE


SERIKALI YAAGIZA NEY WA MITEGO AACHIWE, WIMBO WAKE WA 'WAPO' URUHUSUWE ILA AZIDI KUUBORESHA

Na Mroki Mroki, Dodoma
SERIKALI imeagiza Msanii wa Muziki wa kizazi kipya, Emmanuel Elibariki ‘Ney wa Mitego’ aliyekuwa akishikiliwa na Jeshi la Polisi, Kanda Maalum ya Dar es Salaam kwa mahojiano kuachiwa huru.
Agizo hilo limetolewa leo na Waziri wa Habari, Utamaduni, Sanaa na Michezo, Dk. Harrison Mwakyembe, wakati akiongea na waandishi wa habari mjini Dodoma na kusema kuwa hata wimbo anaotuhumiwa nao kuwa umekiuka maadili uendelee kupigwa.

Msanii Ney alikuwa akishikiliwa na Jeshi la Polisi baada ya kumkamata juzi mkoani Morogoro na kumsafirisha hadi jijini Dar es Salaam kufuatia amri ya Baraza la Sanaa la Taifa (BASATA) kwa kile kilichodaiwa ni wimbo huo kukosa maudhui na kukiuka sharia za Basata.

Waziri Mwakyembe alifuatilia sakata hilo la kukamatwa Ney na baadae Basata kufahamisha sababu za kumkamata na kutakiwa kuhojiwa juu ya nyimbo yake ya ‘Wapo’ lakini pia Rais alimuagiza kugfuatilia suala hilo na kuona namna ya kulimaliza kwakuwa haoni kosa katika wimbo huo.

Aidha Mwakweye amesema Rais Magufuli aliomba Ney achiwe hivyo nayeye akiliagiza Jeshi la Polisi kumuachia huru msanii huyo

“Baada ya kuzungumza na Rais Dk John Magufuli ambaye yeye binafsi ameonesha wazi kuupenda wimbo huo kutokana na mindundo yake nimesha BASATA kuondoa zuio lake dhidi ya wimbo huo, na badala yake uendelee kupigwa tu kama nyimbo nyingine,”alisema Mwakembe.

Waziri Mwakyembe alisema katika mazungumzo yake na Rais Magufuli alionesha kufurahishwa na wimbo huo wa WAPO, na kumshauri Msanii huyo kama inawezekana aendelee kutaja watu wengine kama vile Wakwepa  Kodi, Wauza Unga, Wabwia Unga, Wezi pamoja na watu wengine wasio na maadili mema katika jamii.

Pia alisema alichofanya Ney wa Mitego katika wimbo wake huo ni kutumia Uhuru wa Kujieleza hivyo Rais alisema endapo Mtu anafanya kitu cha manna hiyo na hajavunja sharia hakuna haja ya kumzuia.

Akizungumza kisheria alisema Basata inamamlaka ya kufanya ilicho fanya kwakuwa ni eneo lake hata yeye Waziri hawezi kutoa agizo kwa basata ila anawaomba tu wamwachilie msanii huyo na wimbo wake kuendelea kupigwa.

Mwakyembe pia amemwomba Msanii Ney wa Mitego kesho akitane nae mjini Dodoma kwa mazungumzo na kumshauri maeneo ya kuongeza katika wimbo wake huo.