Have you got a good story?

Share your story, discuss the issues with Dailynews Blog.

Have you got a good story?

Share your story, discuss the issues with Dailynews Blog.



Nafasi Ya Matangazo

Thursday, 8 June 2017

SERIKALI YAFUTA ADA YA MOTOR VEHICLE

SERIKALI imetangaza kufuta ada ya mwaka ya leseni ya magari (Annual Motor Vehicle Licence Fee) iliyokuwa ikilipwa na na wamiliki wa magari kila mwaka ili ilipwe mara moja wakati gari linaposajiliwa. Anandika Katuma Masamba-dailynewstzonline.blog



Ada hiyo iliyokuwa ikitozwa kila mwaka bila kujali kama gari linafanya kazi au limeegeshwa kwa kuwa ni bovu, sasa italipwa mara moja gari inaposajiliwa na baada ya hapo itaenendelea kulipwa kupitia ushuru wa bidhaa kwenye mafuta ya petroli, dizeli na taa kwa kuongeza ushuru kwenye bidhaa hizo.



Waziri wa Fedha na Mipango Dk Philip Mpango ameyasema hayo wakati akiwasilisha bajeti kuu ya serikali ya mwaka 2017/18.



"Aidha, serikali inatoa msamaha wa kodi, riba na adhabu zinazoambatana na madeni yote (tax Amnesty) ya ada hiyo yaliyolimbikizwa kwa miaka ya nyuma," amesema Dk Mpango ambaye alikuwa akipigiwa makofi na wabunge.



Dk Mpango pia amesema serikali inapendekeza kuongeza ada ya leseni ya magari wakati wa usajili mara ya kwanza ambapo ongezeko hilo na kiasi kwenye mabano ni gari yenye ujazo wa injini ya 501 hadi 1500 cc (kutoka Sh 150,000 hadi 200,000), gari la 1501 hadi 2500cc (kutoka Sh 200,000 hadi 250,000).



Gari lenye ujazo wa 2501cc na zaidi kutoka kiwango cha sasa 250,000 hadi Sh 300,000 na kwamba hatua hizo zinatarajiwa kuongeza mapato ya serikali kwa Sh milioni 77,603.


Kuna Maoni 0 mpaka sasa.

Post a Comment