RAIS MAGUFULI AFANYA UTEUZI WA NAIBU KATIBU MKUU TAMISEMI

Rais wa Jamhuri ya Muungano wa Tanzania, Dkt. John Pombe Magufuli leo Mei 24, 2017 amemteua Tixon Tuliangine Nzunda kuwa Naibu Katibu Mkuu, Ofisi ya Rais Tawala za Mikoa na Serikali za Mitaa (TAMISEMI) - anayeshughulikia Elimu. 

Kabla ya uteuzi huo Tixon Tuliangine Nzunda alikuwa Katibu Tawala wa Mkoa wa Rukwa. 

Tixon Tuliangine Nzunda anachukuwa nafasi ya aliyekuwa Naibu Katibu Mkuu, Ofisi ya Rais Tawala za Mikoa na Serikali za Mitaa (TAMISEMI) - akishughulikia Elimu,  Bernard Makali ambaye ameteuliwa kuwa Katibu Tawala wa Mkoa wa Rukwa. Uteuzi huu unaanza mara moja.

Wednesday, May 24, 2017  Copyright: Dailynews Blog      Maoni: 0